banner6.jpg

Berriak

Labean proiektuan prototipatuko diren ideiak zehaztu dira

Irailaren 15, 16 eta 17an, Labean proiektuan batera sortzeko prozesuaren lehen saio presentziala ospatu zen. Bertan, iaz egindako Open Space saioetan nabarmendu ziren gaiak baliatuz, garatzen den eskualde bakoitzean prototipatuko diren ideiak zehaztu ziren: Añana, Enkarterri eta Arabako Mendialdea.

Kuartangon (Añana), ingurumen-jasangarritasuna eta landa-eremuko energia-komunitatearen ereduen garapena ziren aukeratutako eremuak; Zallan (Enkarterri), mugikortasun jasangarria, eta Urturin (Arabako Mendialdea), gizarte-ekintzailetza. 

Hurrengo saioa Añanan izango da, urriaren 27an; Enkarterrin, urriaren 28an; eta Arabako Mendialdean, urriaren 29an.

Informazio gehiago

COVID-19ari buruzko informazio telefonoa 2020ko mahats-bilketarako

Mahats bilketa berehala hasiko dela ikusita, jakinarazi nahi dizugu ARDOA-Basque Wine Office bulegoak telefono zenbaki bat jarri duela 2020ko kanpainan zehar COVID-19aren prebentzioari buruz sortzen diren zalantzak eta gaiak argitzeko.

- 900 101 400 -

Zerbitzuaren ordutegia:

Astelehenetik ostiralera 08:00 – 19:30

Larunbata eta igandea 08:00 – 13:30

Era berean COVID-19a geldiarazteko neurriei buruzko informazioaren eta baliabideak argitartu dira

  • Informaziorako esku orriak, langileentzat, COVID-19a prebenitzeko arau eta gomendioei buruz, eta jarduteko arauei buruz, kutsatzeak edo kutsatze susmoak badaude

Hizkuntza: gazteleraz | euskeraz | portugesez | frantsesez | arabieraz

  • Informazio txartelak COVID-19a prebenitzeko arau eta gomendioei buruz, eta jarduteko arauei buruz, kutsatzeak edo kutsatze susmoak badaude

Hizkuntza: gazteleraz/euskeraz | portugesez/frantsesez | arabieraz

Ardoa MugaGabe 2020 Programaren laguntzen upategi onuradunak irailan

Ebazpena, 2020ko irailaren 7koa, Fundación HAZI Fundazioko Zuzendari Orokorrarena Ardoa MugaGabe 2020 Programaren babesean eskatutako laguntzak onartu eta ukatzekoa.

DOKUMENTUA IKUSI

Open Space Labean-etan sorturiko proposamenak

Labean, Eusko Jaurlaritzak eta HAZIk gidatzen dute Enkarterrialde, Añana eta Izki Landa Garapen Elkarteen kolaborazioarekin sortutako proiektua da,  berrikuntza sozialean oinarritutakoa, abangoardiako tresna metodologikoen bidez ekimenak eta pertsonak astindu, dinamizatu eta konektatu nahi dituena, sareko lan-eredu berri bat sortuz.

Eremu bakoitzean dauden aukerak azaleratzea eta aprobetxatzea ahalbidetuko duten ekintzen bidez, negozio-eredu berriak asmatuz, lehendik dauden proiektuak bultzatuz, tokiko baliabideak baloratuz, tokiko erakundeak lurralde dinamizazio eta kohesioaren partaide bihurtuz, eremu publiko eta pribatuen arteko hainbat lankidetza sustatuz eta lurraldea eraldatuko duten gobernantza-modu berriak eraikiz.

Labeanen lehen fasean hiru aurkezpen-ekitaldi (Open Spaces) egin ziren eskualde bakoitzean, eta eremu horien erronkak detektatzeko balio izan zuten:

Maeztu (Arabako Mendialdea): 2019ko azaroak 30

Kuartango (Añana, Araba): 2019ko abenduak 14

Zalla (Enkarterri): 2020ko urtarrilak 11

Ardoa MugaGabe 2020 Programaren laguntzen upategi onuradunak

Ebazpena, 2020ko abuztuaren 10koa, Fundación HAZI Fundazioko zuzendari orokorrarena, Ardoa MugaGabe 2020 Programaren babesean eskatutako laguntzak onartu eta ukatzekoa.

DOKUMENTUA IKUSI

Ardoa MugaGabe 2020 Programaren laguntzen lehenengo upategi onuradunak

Ebazpena, 2020ko uztailaren 27koa, Fundación HAZI Fundazioko zuzendari orokorrarena, Ardoa MugaGabe 2020 Programaren babesean eskatutako laguntzak onartu eta ukatzekoa.

DOKUMENTUA IKUSI

Ekintzailetzaren eta gizarte-berrikuntzaren inguruko lehiaketa Añanan, Enkarterrin eta Arabako Mendialdean

Eusko Jaurlaritzak eta HAZIk lehiaketa bat abiarazi dute Añanan, Enkarterrin eta Arabako Mendialdean ekintzailetzaren eta gizarte-berrikuntzaren ideia onenak bilatzeko eta aurkezteko epea irailaren 18an amaitzen da

Lehiaketak honako helburu hauek ditu: landa-ingurunean berrikuntza eta gizarte-ekintzailetza jasangarria bultza dezaketen ekimen berritzaileen diseinua eta ezarpena sustatzea; hazteko, enplegua sortzeko, aberastasuna sortzeko eta jarduera ekonomikoa hobetzeko potentziala duten gizarte-berrikuntzako eta gizarte-ekintzailetzako proiektuak sortzea; gizarteari berrikuntzaren eta gizarte-ekintzailetzaren garrantzia ezagutaraztea, enpresa, ekonomia eta gizarte-eredu errentagarri gisa eta berriak sortzeko beharra agerian uztea. Ingurumena eta garapen jasangarria errespetatzen duten ekonomietan oinarritutako enpresak eta start up-ak, ideia eta enpresa sortzaileak, berritzaileak eta inpaktu sozial positiboa sortzen dutenak aintzatesten, ikusarazten eta sustatzen laguntzea, eta ingurunearen beharrei erantzuteko adibidea Aurkeztutako proiektuek eskualdeetan planteatutako erronketako bati erantzun beharko diote gutxienez.

Erronka horiek eskualde bakoitzean egindako LABEAN Open Space jardunaldien emaitzetan oinarrituta identifikatu dira.

Hiru eskualdeen erronka komunak honako hauek dira:

  • Landa-ingurunean bizi diren pertsonak integratzen laguntzea, eskualde kohesionatu bat lortze aldera.
  • Gazteentzako landa-ingurune erakargarri bat bultzatzea, bizitzeko eta lan egiteko espazio gisa.
  • Landa-eremuko biztanleen mugikortasun jasangarria bultzatzea, ondasunak, zerbitzuak eta jarduera ekonomikoak eskuratzeko erraztasunak emanez.
  • Landa-ingurunean etxebizitza eskuratzeko eredu berritzaileak bultzatzea

Pertsonak edo pertsona fisikoen taldeak, negozio-ildo berriak dituzten pertsona juridikoak, Euskadiko toki-erakundeak eta tokiko sektore publiko instituzionala aurkeztu ahal izango dira. Lehiaketak zazpi sari izango ditu: proiektu-inkubazioko sei sari, kategoria bakoitzeko bat hiru eskualdeetan, eta Labean sari bat: ekintzailetzako eta/edo berrikuntza sozialeko sari berezia, emakumeen eta gizonen arteko berdintasuna modu berezian sustatzen duen proiektuari.

Informazio gehiago eta izen-emateak

Labean proiektua

Labean joan den azaroan hasi zen berrikuntza sozialean oinarritutako proiektu pilotu bat da, abangoardiako tresna metodologikoen bidez ekimenak eta pertsonak astindu, dinamizatu eta konektatu nahi dituena, sareko lan-eredu berri bat sortuz. Eremu bakoitzean dauden aukerak azaleratzea eta aprobetxatzea ahalbidetuko duten ekintzen bidez, negozio-eredu berriak asmatuz, lehendik dauden proiektuak bultzatuz, tokiko baliabideak baloratuz, tokiko erakundeak lurralde dinamizazio eta kohesioaren partaide bihurtuz, eremu publiko eta pribatuen arteko hainbat lankidetza sustatuz eta lurraldea eraldatuko duten gobernantza-modu berriak eraikiz. Labeanen lehen fasean hiru aurkezpen-ekitaldi (Open Spaces) egin ziren eskualde bakoitzean, eta eremu horien erronkak detektatzeko balio izan zuten. Lehen fase horretan, halaber, ekintzailetzako hiru jardunaldi egin ziren Sopuertan, Kanpezun eta Espejon, "Nola ekarri balio soziala nire proiektuari" izenburupean.

Horietan, parte-hartzaileek bertatik bertara ezagutu zituzten gizarte-enpresa arrakastatsuen kasuak, hala nola Soriako La Exclusiva, Olieteko (Teruel) Apadrina un Olivo eta Artiedako (Zaragoza) Senderos de Teja. Bestalde, eskualde bakoitzean garatzen ari diren proiektuak ere ezagutu zituzten, adibidez, Karrantzakoa eta Urbegikoa Enkarterrin, Mendialdeko ogia Maeztun, Bernedoko THUSIA Arabako Mendialdean, Ekotarriko Kuartangon eta Montehermoso baserria Astulezen.

Labean proiektua Eusko Jaurlaritzak eta HAZIk gidatzen dute Enkarterrialde, Añana eta Izki Landa Garapen Elkarteen kolaborazioarekin.

Guardiako uda ikastaroa, zuzenean streaming bidez

Uztailaren 2an, Guardiako Villa Lucian “Eta orain zer? Nola gauzatu Euskadiko edari sektorearen estrategia krisiaren ondoren” izeneko ikastaroa egiten da Euskal Herriko Unibertsitateko Uda Ikastaroen XXXIX. edizioaren baitan, Eusko Jaurlaritzako Ekonomiaren Garapen eta Azpiegituren Sailak antolatuta, ARDOA Basque Wine Office-arekin eta HAZIrekin lankidetzan.

Ikastaroa hemen jarraituko dezakezu. Ekitaldi honetan, Euskadiko edarien sektoreak COVID-19ren pandemiak eragindako inpaktuaren aurrean bizi duen egoera aztertuko da, eta hainbat ikuspegi eta aukera eskainiko dira euskal upeltegiak, sagardotegiak eta garagardotegiak estatuko eta nazioarteko merkatuetan berriz posizionatu daitezen, eta HORECA kanaleko susperraldia lortu ere.

Data eta ordua: 2020ko uztailaren 2a, 09:00etatik 17:00ak arte

Tokia: Guardiako Villa Lucia (Araba)

*Bideo hau ikastaroa irauten duen bitartean egongo da ikusgai.

Ikastaroa ikusteko, sakatu hemen

Abian dira ARDOA Mugagabe laguntzak Euskadiko edarien sektorearen berrikuntza komertziala sustatzeko

  • Eusko Jaurlaritzak laguntza hauek abiarazi ditu, COVID-19ak eragindako krisiaren ondorioz Euskadiko edarien industriak nozitutako kalteak arintzeko.
  • Laguntza programak 700.000 euro ditu, eta hainbat jarduera hartzen ditu, hala nola marketin digitala, merkataritza elektronikoa eta zirkuitu laburrak, komertzializazioa sustatzeko, eta berrikuntza bultzatzeko salmentan, merkatuetan eta produktuetan.

Gaur ireki da ARDOA Mugagabe laguntzak eskatzeko epea, Euskadiko edarien sektorearen berrikuntza komertzialera zuzenduta; Eusko Jaurlaritzako Ekonomiaren Garapen eta Azpiegitura Sailak jarri du programa martxan, COVID-19aren eraginez HORECA sektoreak nozitzen ari den momentu txarra arintzeko.

Laguntzak, guztira, 700.000 euro izango dira, produktu horien komertzializazioaren berrikuntzara zuzenduta, hainbat jardueraren bitartez, horien artean egonik marketin digitala, merkataritza elektronikoa eta zirkuitu laburren sustapena. Konfinamenduko hilabeteetan produktuan geratu den soberakinari irtenbidea emateko modu berriak.

Laguntza neurri horiek Eusko Jaurlaritzak, Finantzen Euskal Erakundearekin lankidetzan, prestatu duen laguntza finantzarioaren parte dira, Euskadiko edarien industriaren lehiakortasuna babesteko, eta, horiez gain, baldintza onuragarriak dituzten kredituak ere prestatu dira. Sektorean daude Arabako Errioxako ardoaren enpresak, txakolinarenak, sagardoarenak eta artisau garagardoarenak.

Ardoa Basque Wine Office

Laguntza horiek abiaraztearekin batera, ARDOA Basque Wine Office proiektuaren baitan informazio bulego presentziala ere jarri da martxan gaur Arabako Errioxako Kuadrillaren egoitzan, Guardian, eta besteak beste, gaur abiarazi diren laguntzen informazio gunea ere izango da. Bulegoa astelehen, asteazken eta ostiraletan egongo da zabalik, 09:00etatik 13:30era arteko ordutegian, eta abuztuan soilik asteazkenetan, ordutegi berean.

Horrez gain, laguntza eskuratzeko interesa duten pertsonek edo enpresek informazioa lortu ahal izango dute HAZIko telefonoan (945 00 32 40/94 603 03 30) eta posta elektronikoan E-mail hau spam roboten kontra babestuta dago. JavaScript aktibatuta izatea behar duzu hau ikusteko. . Baita ONEKIN webgunean ere: Euskadiko elikadura, egur eta lurralde garapenaren balio katearen ekintzailetza eta berrikuntzarako ataria da, eta sektore horiei lotuta martxan dauden laguntza neurri guztiei buruzko informazioa eskaintzen du.

ARDOA Basque Wine Officen misioa da Euskadiko edarien industri sarea osatzen duten markak bultzatzea eta sustatzea, eta sektoreak aurre egin beharreko erronkei erantzuna ematea eta koordinatzea, esaterako, produktuen nazioartekotzeari eta lehiakortasunari, eta mekanismoak ere bilatu nahi dira etorkizunean egon daitezkeen aldaketei aurrea hartzeko.

Udako ikastaroa: Eta orain zer? Nola gauzatu Euskadiko edari sektorearen estrategia krisiaren ondoren

Hurrengo uztailaren 2an, Guardiako Villa Lucian “Eta orain zer? Nola gauzatu Euskadiko edari sektorearen estrategia krisiaren ondoren izeneko ikastaroa egingo da Euskal Herriko Unibertsitateko Uda Ikastaroen XXXIX. edizioaren baitan, Eusko Jaurlaritzako Ekonomiaren Garapen eta Azpiegituren Sailak antolatuta, ARDOA Basque Wine Office-arekin eta HAZIrekin lankidetzan.

Ikastaro honetan, Euskadiko edarien sektoreak COVID-19ren pandemiak eragindako inpaktuaren aurrean bizi duen egoera aztertuko da, eta hainbat ikuspegi eta aukera eskainiko dira euskal upeltegiak, sagardotegiak eta garagardotegiak estatuko eta nazioarteko merkatuetan berriz posizionatu daitezen, eta HORECA kanaleko susperraldia lortu ere.

Data eta ordua: 2020ko uztailaren 2a, 09:00etatik 17:00ak arte

Tokia: Guardiako Villa Lucia (Araba)

Egitaraua

Izena ematea

2020rako Prestakuntza-beharrak helarazteko epea zabalik da

HAZIk hurrengo seihilabeteko (2020ko uztaila-abendua) formakuntza-eskaintza lantzen hasi da. Diseinu fase honetan ezinbestekoa da ikastaroetan parte hartu nahi duten pertsonen formakuntza-beharrak ezagutzea, lehen sektorearentzat eta kate osoarentzat baliagarri izan daitezkeen edukiak eskaini ahal izateko.

Horretarako, formulario bat jarri dugu beharren bat bidali nahi duen ororen eskura. Proposamenak jasotzeko epea ekainaren 25 arte egongo da zabalik.

  • ZER: Lehen sektore eta kate osoko formakuntza-beharrak
  • ZERTARAKO: 2020.ko bigarren seihilabeteko formakuntza-eskaintza lantzeko
  • EPEA: Ekainak 25
  • NOLA: Inprimaki honen bidez.

HAZIk INTEC Fundazioaren ‘Agrifood beats Covid-19′ webinarren laburpenak egiten ditu

INTEC, Berrikuntzarako eta teknologiaren aplikaziorako Europako Fundazioa, webinar batzuk antolatzen ari da “Agrifood beats COVID-19” lelopean. Ekimen hau COVID-19aren ondorioz sortutako errealitatea eta arazoak bistaratzeko jaio da, baita errealitate honi hainbat pertsona eta espezialistak ematen dituzten konponbideak partekatzeko ere.

Topaketak asteazkenetan izaten ari dira, eta haietan parte hartzen ari dira lehen sektoreari eta industriari lotutako adituak.

HAZIk bildu ditu webinar hauetako zatirik esanguratsuenak. Apirilean eta maiatzean izandako webinarrak laburtzen dituzten dokumentuak honako hauek dira:

APIRILEKO LABURPENA

MAIATZEKO LABURPENA

scribdicon

HAZI. Egoitza Nagusia. Granja modeloa z/g 01192 Arkauti, Araba. IFK. G48986137  l T 945 00 32 40 | hazi@hazi.eus | Pribatutasun Politika | Ohar Legala | Urrutiko Kontrola