banner13.jpg

Berriak

Tolosak Landa Inguruneko Emakumearen Nazioarteko Egunaren beste edizio bat hartu du, “Egindako lanaren aitortza” lemapean

Eusko Jaurlaritzako Nekazaritza, Arrantza eta Elikagaien Politikako sailburu Bittor Orozek Euskadiko Lana Inguruneko Emakuneen Nazioarteko Egunaren hamalugarren edizioa inauguratu du gaur, Tolosan, “Egindako lanaren aitortza” lemapean, eta Euskal Herriko bazter guztietatik etorritako 200 emakume inguru bildu dira bertan.

Eusko Jaurlaritzako Ekonomiaren Garapeneko eta Azpiegituretako Sailak antolatu du eguna, Euskadiko Landa Inguruneko Emakumeen Batzordearekin elkarlanean, eta egunean zehar lehen sektoreko eta landa inguruneko emakumeen egungo egoerari buruzko hainbat azterketa aurkeztu dira, eta Eusko Legebiltzarrak 2015ean aho batez onartu zuen Emakume Nekazarien Estatutuaren edukian eta garapenean sakondu da. 

emakumea

Inaugurazioan, Oroz sailburuordeak, alboan Tolosako alkate Olatz Peon eta Sustapen Ekonomiko, Landa Ingurune eta Lurralde Orekako diputatu Ainhoa Aizpuru zituela, azpimarratu nahi izan du Eusko Jaurlaritzak landa inguruneko emakumeei ematen dien babesa eta Estatu honek duen garrantzia nabarmendu, estatu osoan dagoen lehena baita; izan ere, estatutuak “lehen sektoreko emakumeen lana ikusiarazi, goratu eta arautzen du eta ustiategien titularitatea eskuratzen laguntzen die emakumeei”. “Berebiziko garrantzia duen lana da, -gaineratu du- landa ingurunearen zein euskal ekonomia osoaren garapen ekonomiko eta sozialerako. Ezinbesteko urratsa da landa inguruneko emakumeen lanbidea onartzeko eta gizartearen begirunea lortzeko, eta haien eskubide profesional, sozial eta fiskalak benetan gauzatzeko.”

Egunaren edukia

"Egindako lanaren aitortza" lemapean, urtetan eta urtetan Euskadin landa ingurunearen alde aritu diren emakumeei eskerrona erakutsi nahi izan zaie egindako lanagatik eta lan hori agerian utzi, eta emakumeeek hainbat elkartetan egindako bidearen berri eman da (Hitzez eta Tolosako Babarruna Elkartea). Era berean, Landa inguruneko Emakumeen Batzordeko kideak diren elkarteetako ordezkariek horma irudi bat osatu dute, kasu zehatzekin, aitortza ekitaldi hau agerian uzteko. Landa inguruneko emakumeen eta emakumen nekazarien egoerari buruz 2016an egindako bi azterlan ere aurkeztu dira.

Azterlanen aurkezpena

Lehen azterlana, “Emakumeak euskal landa ingurunean, Estatistikaren Euskal Planaren barruko lau hilekoko txostena da, eta bere helburua da landa inguruneko emakumeen bizimoduari buruzko informazio etengabea lortzea, bestela antzematen zailak izango lirateken premiak eta gabeziak detektatzeko: besteak beste, antzeman da landa inguruneko emakumeek landa inguruneko gizonezkoek baino ordubete gehiago egiten dutela lan egunero eta, gainera, urtetik urtera gehiago direla elkarteetan, zein politikan edo prestakuntza ikastaroetan parte hartzen duten emakumeak, eta lehen sektorea landa ingurunearen oraingo zein etorkizuneko aldaketa eragiletzat jotzen dutela, betiere sektorean gazteak sartzea babesten baita.

Bigarren azterlanak, “Emakumeak euskal nekazaritza sektorean: emakume nekazariak” izenekoak, egoeraren hasierako argazki bat planteatzen du, Estatutuan jasotzen diren neurriek etorkizunean edukiko dituzten ondorio positiboak neurtu ahal izateko. Azpimarratzekoa da ustiategien %37 baino ez daudela emakumeen esku, nahiz eta emakumeak laguntza handia izan nekazaritzako ustiategirako, gehiengoa baitira famili laguntzan. Azterlan bien eduki osoa web orri honetan kontsultatu daiteke:

http://www.euskadi.eus/landa-emakumeak/web01-a2lanits/eu/

Emakume Nekazariaren Estatutua

2015ean Eusko Legebiltzarrak Emakumen Nekazarien Estatutua onartu zuen aho batez, eta une horretan Euskadi lehen sektoreko eta landa inguruneko emakumeen lan egoera arautzen zuen lehen Autonomia Erkidegoa bihurtu zen. Bere asmo nagusia zen emakumen nekazarien lana gehiago ikusaraztea eta ustiategien titularitatea eskuratzen laguntzea. Keinu sinbolikoan, onarpen horrek bat egin zuen Landa Inguruneko Emakumeen Nazioarteko Egunaren ospakizunarekin.

Estatutuaren oinarrian dago nekazaritza sektorean emakumeek sufritzen duten diskriminazioari aurre egitea, batez ere aitortza profesionalari eta estimu sozialari dagokionez. Egia da ustiategien titularrak diren emakumeen proportzioa ez datorrela bat horiek egiten duten egiazko lanarekin, sarritan lan horiek agerikoak ez direlako. Helburua da landa eremuko emakumeen zereginaren balioa agerian jarri eta ikusgarri bihurtzea, eta bereziki nekazaritzako elikagaien industriari eta, ondorioz, landa garapenari egiten dioten ekarpena.

Onda Vascan HAZIko Virginia Andrési egindako elkarrizketa Landa Inguruko Emakumearen Nazioarteko Eguna dela eta

Lea Artibai 2017 eta Loiuko XXV Gastronomia eta Eskulangintza Azoka

HAZI asteburu honetan hainbat tokitan egongo da Eusko Label dastatzeak eskeiniz. Horien artean goraipatu behar dira Lea Artibai 2017 Azoka eta bere asteburu enogastronomikoa, enologo jakituna den Mikel Garaizabal izango da bertan txakoli eta Idiazabal gaztaren dastaketa batekin, besteak beste. Programa ikusi

Era berean urriaren 15ean, igandean, Loiuko XXV Gastronomia eta Eskulangintza Azoka ospatuko da eta bertan Bizkaiko txakolina eta euskal baserriko oilaskoa dastatzeko aukera egongo da.

loiu

Baita ere dastatzeak egongo dira Urriaren 12an Basauriko San Faustoak eta Elosuko XXXIX Mendi Ganadu Azokan eta 15an Gaubeako Patataren Azokan.

San Sebastian Gastronomika-Euskadi Basque Country 2017 ekitaldian arreta berezia egiten zaio Euskadiko ardoak desberdintzeari

Atzo inauguratu zen “San Sebastián Gastronomika-Euskadi Basque Country 2017”-ren edizio berria, Donostiako Kursaalen. Elikaduraren, gastronomiaren eta sukaldaritzaren profesionalen nazioarteko topagunea da, eta urteroko hitzordu ere bihurtu da zaletuentzat eta jendearentzat oro har. Edizio honetan, Eusko Jaurlaritzako Ekonomiaren Garapeneko eta Azpiegituretako Sailak estand zabala du era askotako jarduerak garatzeko, ardoei arreta berezia eskainita eta, modu horretan, Errioxa J.I.ren baitan Arabako Errioxako ardoak desberdintzearen alde egindako apustu garbiari eusteko.

San Sebastian Gastronomika-Euskadi Basque Country”-ren moduko nazioarteko foro batean modu nabarmenean parte hartzea da Eusko Jaurlaritzak elikaduraren balio kate osoa sustatzeko eta laguntzeko duen estrategietako bat, eta exekutibo autonomoak berriki aurkeztu duen Gastronomiaren eta Elikaduraren Plan Estrategikoan jasotzen da. Planak, Ekonomiaren Garapeneko eta Azpiegituretako Sailak kudeatu eta koordinatzen duenak, diagnostiko sakona egiten du elikaduraren eta gastronomiaren kateak nazioartean zein toki mailan egun duen egoeraren gainean, eta lortu nahi dituen helburuetako batzuk dira Euskadik nazioartean duen posizionamendua eta eragina sendotzea eta horren bidez gastronomiaren eta elikaduraren alorrean erreferentziako lurralde bihurtzea, eta nazioartean hainbat eremutan abangoardia direnekin harremanak ezartzea edo mantentzea Euskadi Basque Country markaren pean.

Arabako Errioxako ardoen sustapena

Hala, Eusko Jaurlaritzaren standaren barruan, ABRA elkarteak (Arabako Errioxako Upategien Elkartea) koordinatuta ardoen etiketetan Arabako Errioxa edo udalerria aipatzen duten upategietako ardoak sustatutzen ari dira, stand horretan lehentasunezko lekua emanda. Urriaren 9, 10 eta 11n “dastaketa espresak” egiten ari dira, gutxi gorabehera 25-30 minutu artekoak eta publiko mota bakoitzari egokituta. Dastaketa bakoitzean hiru ardo dastatuko dira (zuri 1 eta 2 beltz). Ardoak gutxienez bi upategi desberdinetakoak izango dira.

Era berean, dastaketak ez daudenean, upategiek gune hori erabili dezakete bezeroekin bilerak egiteko. Standaren mostradorean Arabako Errioxako Upategien Elkartean honetarako propio argitaratutako esku-orri bat emango da, eta plasmazko pantaila bat egongo da dastaketak grafikoki laguntzeko. Pantaila horretan, halaber, Arabako Errioxa sustatzeko bideoak emango dira.

cata-sg

Euskadi-India aldebiko topaketa

Jakinda India dela “San Sebastián Gastronomika, Euskadi - Basque Country” ekitaldiko herrialde gonbidatua, Eusko Jaurlaritzako Ekonomiaren Garapeneko eta Azpiegituretako Saila eta Euskadiko Elikaduraren Klusterra Indiako erakundeetako ordezkariekin elkartu dira nekazaritzako elikagaien alorrean aldebiko lankidetzarako dauden aukerak aztertzeko. Egin dituzten bileretan, Indiako ordezkaritzak azaldu du zer abantaila eta negozio aukera eskaintzen ditu bere herrialdeko elikagaien eta gastronomiaren merkatuak euskal industriarako.

San Sebastian Gastronomika- Euskadi Basque Country” topaketaren hameretzigarren edizioa da hau. Eusko Jaurlaritzak hasieratik babestu du ekitaldia, eta goi mailako gastronomiaren munduko erreferentzia sendo bihurtu da, bai eta munduko suakaldaririk hoberenen topagune ere. India herrialde gonbidatua izanik, oraingo honetan 150 erakusketari eta 200dik gora hizlari egongo dira, munduko bazter guztietatik etorrita, eta aurreko esperientzietan oinarrituta 13.000 pertsona baino gehiagoren bisita espero da.

Kongresuak programa zabala dauka eta era askotako jarduerak, produkturik aukerakoenak ezagutzeko, gozatzeko eta dastatzeko, hala nola ikus-entzunezkoak, xanpain lehiaketak, dastaketak, maridaje gidatuak, sukaldari ospetsuen klase magistralak, etab. Binakako ardo dastaketaren Wine&Win lehiaketaren bosgarren edizioa ere egingo da bertan, bai eta “The Txoko Experience.Tthe secret culinary space of the basques” dokumentalaren estreinaldia, aukeratutako maridajeen adibide praktikoak eta joerenak, eta gastronomika nerabeentzat ere.

Eusko Label dastatzeak asteburu honetan

Asteburu honetan hainbat ekitaldietan dastatu ahal izango dira Eusko Label produktuak.

Alde batetik, bihar larunbata, urriak 7:

  • Gorbeia Suzien, Zeanurin. Eusko Labela duen txahal erreketa 

gorbeia

  • Hiru3 Jaia Bilboko Euskaldunan Eusko Labela duten burgerrak egongo dira. 

hiru

Informazio gehiago

 Eta bestalde, igandean, urriaren 8an

  • Pobes, Araban, Arabako Babarrun Pintoaren XXIII Festa ospatzen da. Eusko Labela duten babarrun dastaketa. 

pobes

  • Basauriko Jaiak. Eusko Labela duen txahal erreketa

basauri

Informazio gehiago

Ideia berritzaileen lehiaketa Harana Bailaran:deskubritzeko txoko bat

Haranako Udalak eta Arabako Industrialdeak Ideia berritzaileen lehiaketa Harana Bailaran:deskubritzeko txoko bat lehiaketa antolatu dute. Ideiak aurkezteko epea zabalik egongo da irailaren 25etik urriaren 31ra arte. Lehiaketa honen helburu nagusia da ekonomia-jarduera sortzea udalerrian eta interesatutako ekimen guztien eskura jartzea udalerrian sortutako azpiegiturak eta lokalak.

Irabazleak 1.500 euroko zenbateko diru-kopurua eta Nirea aitorpena jasoko ditu, eta bigarren sailkatuak bertako produktuen saski bat, asteburuko egonaldia Arabako Mendialdeko landa turismo batean eta Nirea aitorpena.

Informazio gehiago

HAZIk eta Gipuzkoako Aldundiak satelite bidezko jarraipena egiten dizkiete sari zuriaren bi txitari

POCTEFA Ecogyp proiektuaren barruan, Hazik eta Gipuzkoako Foru Aldundiak satelite bidezko jarraipenerako emisoreak jarri dizkiete sari zuriaren bi txitari, galzorian dagoen hegazti nekrofagoa baita. Txita biak 2017an jaio ziren, Gipuzkoako habi banatan, eta uztailean eguzki energiaz kargatzen diren 48 g-ko GPS/GSM emisoreak jarri zitzaizkien; GPS lokalizazioak jaso eta GPRS sarearen bitartez zerbitzari batera bidaltzeko programatuta dauden emisoreak dira. Markaketa lanetan, harkaitzezko mendigunean zeuden habiak jaitsi behar izan baitziren, Gipuzkoako Foru Aldundiko basozainek eta SEO/BirdLifeko teknikariek hartu zuten parte.

Horrela posible izaten ari da bi sai zurien –“Zuri” eta “Endoia” izenez bataiatuak– mugimenduak etengabe monitorizatzea. Espero da ekologiaren eta espeziearen sakabanaketaren gaineko datu baliotsuak jasotzea, hegazti nekrofagoen kontserbaziorako foru aldundiek eta Eusko Jaurlaritza onartutako planean aurreikusitako neurriak aplikatzea errazteko. Hegan egiten hasi zirenetik gaur arte, “Zuri”-k eta “Endoia”-k portaera desberdina erakutsi dute. Lehena jaio zen lurraldearen ingurunea esploratzen aritu zen abuztuan; 20 km ere egiten zituen hegan, baina beti habia zegoen lekura bueltatzen zen.

Halere, abuztuaren 29an hegaldi zuzenari ekin zion eta Gipuzkoa Iparretik Hegora gurutzatu zuen eta Araba Ekialdetik Mendebaldera, eta Nerbioiko Jauzian lo egin zuen, baita ere. Hurrengo egunean, “Zuri”-k bidea alderantziz egin zuen. Gasteizko hirigunea zeharkatu zuen eta Gardelegiko zabortegira iritsi zen, eta han egon da gaur arte. Zabortegi horretan utzitako hondakinek sai zuri, putre, zikoina, kaio eta beste hegazti batzuen talde handi bat erakartzen dute.

txoria

“Endoia”-ri dagokionez, abuztuaren zati handiena jaio zen harkaiztian igaro zuen. Ez zuen esplorazioko hegaldirik apenas egin, kenduta radio txikiko hegaldi batzuk, eta azkenean, irailaren 3an, ezustean hegaldiari ekin eta Hegoaldera jo zuen zuzenean, Nafarroara igarota, Altsasutik. Egun horretan Kodes mendilerroaren hegoaldeko hegalean lo egin zuen. Hurrengo egunetan, “Endoia”-k Errioxa, Soria, Madril eta Gaztela-Mantxa gurutzatu ditu, eta gaur egun (irailaren 6an) Tarifa inguruetan dago. Handik seguruenik Itsasartea gurutzatuko du Afrikatik migrazioa egiten jarraitzeko. Bere bidaian 60 km/h-ko abiaduran joan da momenturik azkarrenetan eta batez beste 40 Km/h-ko abiaduran.

POCTEFA Ecogyp nazioarteko lankidetza proiektu bat da, FEDERek kofinantzatua, eta bertan Hazi bazkide da Euskal Herriko, Nafarroako, Aragoiko, Kataluniako, Akitania Berriko eta Okzitaniako beste sei erakunde publiko eta pribaturekin batera. Gipuzkoako Foru Aldundia, berriz, onuradun bazkidea da. POCTEFA Ecogyp-en helburuak dira biodibertsitatearen kontserbazioa bultzatzea eta hegazti sarraskijaleen eta mendialdeko abeltzaintzaren arteko bizikidetasuna hobetzen laguntzea.

Eusko labela duten produktuak, asteburuko hainbat ekitalditan protagonistak

Basque Country Gastronomiko saria  sebastiane2  kantauri

Asteburu honetan, Eusko Labela duten produktuak dastatzeko aukera izango dugu hainbat ekitalditan. Nabarmenenak honako hauek dira:

  • Irailak 29 - Zinemaldiaren ingurunean, goi-mailako produktuekin egindako luncha Sebastiane Saria (Gehitu Elkarteak antolatua) eta Basque Country Gastronomiko Sariaren banaketetan.
  • Irailak 30 - Bazkaria Euskal Herriko Bertsolari Txapelketan (Segura), afaria Euskal Herriko Sagardoaren Txapelketa Herrikoian (Azpeitia)  eta Hegaluzearen dastaketa I Euskal Kosta Krosan (Zumaia) eta Kantauri Festetan (Zierbena).
  • Urriak 1 - Txahal erreketa Murgiaren eta Iurretaren azoketan eta Euskal Herriko Pirenaika Arrazako Lehiaketan (Gernika).
  • Urriak 2 - Txahal erreketa Gangas Egunean (Zalla).

Etorri eta dastatu!

HAZIk Kilometroak festan laguntzen du

Igandean, Irailaren 24an, Oñatin, Kilometroak festa ospatuko da. Ohiko legez, Eusko Labelak bere txokoa izango du; hain justu, 2. gunean (San Martin). Txoko horretan Eusko Labela duten hainbat produktu dastatzeko aukera egongo da: Euskal Baserriko Oilaskoa parrillan, Euskal Okelaz egindako burgerrak eta lehen aldiz Eusko Labela duen hegaluzea eskainiko da.

Horrez gain, ibilbidean zehar Euskal Sagardoa eta Baserriko Txerriki ogitarteakoak salduko dira. Jai hau ere Nirea ekimen bat da, zeinen helburu nagusia euskal jendarteak gure landa eta itsas eremuarekiko duen konpromisoa sustatzea den.

Informazio gehiago

Ramón Lizeaga “Montxo”ri omenaldia

Maiatzean hil zen Ramon Lizeaga “Montxo” gazta maisuari omenaldia egin diote Arkautin Eusko Jauritzako, HAZIko eta gazta sektoreko hainbat eragilek. Omenaldia Geroa Gaurren testuinguruan egin den honako jardunaldiaren barruan gauzatu da: “Zer gazta jango ditugu euskaldunok 2030 urtean? Montxo Lizeagari omenaldi erreflexioa

Lizeaga berritzailea izan zen ardi gazta egiten eta erakutsi zuen Euskadin gazta zoragarriak egin daitezkela Idiazabal Jatorri Izendapenaz aparte. Aiako (Gipuzkoa) bere baserritik Lizeagak hainbat euskal gazten hainbat errezeta errekuperatu eta hobetu zituen; eta horregatik guztiagatik edozein gaztagilerentzat erreferente bilakatu da.

lizeaga

Jardunaldi eta omenaldian bere familiaz gain erakundeetako ordezkariak egon dira eta sektoreko hainbat pertsonek hartu dute parte, besteak beste: Ruben Valbueno (Taller Cultivo gaztategia), Leartiker (partner teknologikoa-Innotranslact proiektua), Felix Ajuria (artzaina eta Idiazabal ekoizlea eta Idiazabal J.D.ko Kontseiluko kidea), Gaztandegi Dorrea S.A., Idiazabal gazta eta beste ardi eta ahuntz gazten enpresa ekoizlea, Peio Etxaleku, Ossau-Iraty J.D.ko ekoizlea, Joseba Beitia, Oihan Txiki koop. eta Lurlaneko gerentea eta Enric Canut, gazten eta produktu gastronomikoen erosketa arduraduna eta hautatzailea, gazta aditua eta “1982ko Euskal Gazten elaborazioaren inguruko ikerketaren” egilea.

Zarautzko II NIREA Basque Label Fest

Irailaren18 eta 24 bitartean, Zarautzen, NIREA Basque Label Fest jaiaren 2. edizioa ospatuko da. Ekitaldi hori Eusko Labela duten produktuen hainbat ekoizlek eta Gipuzkoako Sagardogileen Elkarteak antolatuko dute Haziren babesarekin.Ekitaldia Nirea programaren parte da, zeinen helburu nagusia da sustatzea euskal jendarteak gure landa eta itsas eremuarekiko duen konpromezua.

Egitarauarekin hasiz, 22an, Euskal Herriko Sagardo txapelketaren semifinala ospatuko da Merkatu Plazan; larunbatean, berriz, egitarau zabala antolatu da Lege Zaharra Enparantzan plazan jarriko den karpan: Eusko Label produktuekin show-cooking-a, pintxo dastatzea, Jatorri Izendapena duten edarien dastatzea, umeentzako tailerrak, Mikel Garaizabalekin kata teatralizatua, musika… 

cata

Programa ikusi

Bestalde, ekitaldi honetan jasotako diru guztia Hotz Zarautz (errefuxiatuen eskubideen alde lana egiten duen erakundearentzat) izango da.

Eusko Label tomatea eta Arabar Errioxako ardoaren arteko senidetzea Iekoran

Igandean Iekoran ospatuko den mahats-bilketaren Arabako Errioxako 24.Festa dela eta, bihar Eusko Labela duen tomatea eta Arabar Errioxako ardoaren arteko senidetzea egingo da.

Hau da biharko egitaraua:

19:30 “Mahats-bilketa 2017” ardo lehiaketaren sari banaketa.

20:00 Eusko Labela duen Tomatea eta Arabako Errioxako ardoaren senidetzea, Iekorako plazan.

20:30 Eusko Labela duen Tomatea egindako pintxoen eta Iekorako ardoen dastaketa.

Iandean Mahats-bilketaren Arabako Errioxako 24.Festa izango da eta Karra Elejalde izango da pregoilaria. Ekitaldi ugari aurreikusten dira iganderako eta gerturatzen diren pertsonek Arabar Errioxako ardo bikainak dastatzeko aukera izango dute.

Informazio gehiago

Eusko Labela duen txahala Olarizuko Erromerian

Gaur, irailak 11, Gasteizen Olarizuko erromeria ospatuko da. Jai hau udako amaieraren sinboloa da eta berarekin bildutako uzta eskertzeko erritua mantentzen da. Aurreko edizioetan bezala, HAZI izango da udalerria mugatzen duten mugarrietako Udalbatzaren ibilbidearaekin hasiko den jai honetan.

Azkena Rock

 

Arratsaldeko seietatik aurrera Eusko Labela duen txahalaren dastaketa solidarioa egongo da, HAZIk eta Gasteiz Irratiak antolatuta. 1.200 pintxo salduko dira euro baten truke bakoitza eta Caritasentzako izango dira onurak.

Programa ikusi

scribdicon

HAZI. Egoitza Nagusia. Granja modeloa z/g 01192 Arkauti, Araba. IFK. G48986137  l T 945 00 32 40 | hazi@hazi.eus | Pribatutasun Politika | Ohar Legala | Urrutiko Kontrola