banner11.jpg

Berriak

Guardiako uda ikastaroa, zuzenean streaming bidez

Uztailaren 2an, Guardiako Villa Lucian “Eta orain zer? Nola gauzatu Euskadiko edari sektorearen estrategia krisiaren ondoren” izeneko ikastaroa egiten da Euskal Herriko Unibertsitateko Uda Ikastaroen XXXIX. edizioaren baitan, Eusko Jaurlaritzako Ekonomiaren Garapen eta Azpiegituren Sailak antolatuta, ARDOA Basque Wine Office-arekin eta HAZIrekin lankidetzan.

Ikastaroa hemen jarraituko dezakezu. Ekitaldi honetan, Euskadiko edarien sektoreak COVID-19ren pandemiak eragindako inpaktuaren aurrean bizi duen egoera aztertuko da, eta hainbat ikuspegi eta aukera eskainiko dira euskal upeltegiak, sagardotegiak eta garagardotegiak estatuko eta nazioarteko merkatuetan berriz posizionatu daitezen, eta HORECA kanaleko susperraldia lortu ere.

Data eta ordua: 2020ko uztailaren 2a, 09:00etatik 17:00ak arte

Tokia: Guardiako Villa Lucia (Araba)

*Bideo hau ikastaroa irauten duen bitartean egongo da ikusgai.

Ikastaroa ikusteko, sakatu hemen

Abian dira ARDOA Mugagabe laguntzak Euskadiko edarien sektorearen berrikuntza komertziala sustatzeko

  • Eusko Jaurlaritzak laguntza hauek abiarazi ditu, COVID-19ak eragindako krisiaren ondorioz Euskadiko edarien industriak nozitutako kalteak arintzeko.
  • Laguntza programak 700.000 euro ditu, eta hainbat jarduera hartzen ditu, hala nola marketin digitala, merkataritza elektronikoa eta zirkuitu laburrak, komertzializazioa sustatzeko, eta berrikuntza bultzatzeko salmentan, merkatuetan eta produktuetan.

Gaur ireki da ARDOA Mugagabe laguntzak eskatzeko epea, Euskadiko edarien sektorearen berrikuntza komertzialera zuzenduta; Eusko Jaurlaritzako Ekonomiaren Garapen eta Azpiegitura Sailak jarri du programa martxan, COVID-19aren eraginez HORECA sektoreak nozitzen ari den momentu txarra arintzeko.

Laguntzak, guztira, 700.000 euro izango dira, produktu horien komertzializazioaren berrikuntzara zuzenduta, hainbat jardueraren bitartez, horien artean egonik marketin digitala, merkataritza elektronikoa eta zirkuitu laburren sustapena. Konfinamenduko hilabeteetan produktuan geratu den soberakinari irtenbidea emateko modu berriak.

Laguntza neurri horiek Eusko Jaurlaritzak, Finantzen Euskal Erakundearekin lankidetzan, prestatu duen laguntza finantzarioaren parte dira, Euskadiko edarien industriaren lehiakortasuna babesteko, eta, horiez gain, baldintza onuragarriak dituzten kredituak ere prestatu dira. Sektorean daude Arabako Errioxako ardoaren enpresak, txakolinarenak, sagardoarenak eta artisau garagardoarenak.

Ardoa Basque Wine Office

Laguntza horiek abiaraztearekin batera, ARDOA Basque Wine Office proiektuaren baitan informazio bulego presentziala ere jarri da martxan gaur Arabako Errioxako Kuadrillaren egoitzan, Guardian, eta besteak beste, gaur abiarazi diren laguntzen informazio gunea ere izango da. Bulegoa astelehen, asteazken eta ostiraletan egongo da zabalik, 09:00etatik 13:30era arteko ordutegian, eta abuztuan soilik asteazkenetan, ordutegi berean.

Horrez gain, laguntza eskuratzeko interesa duten pertsonek edo enpresek informazioa lortu ahal izango dute HAZIko telefonoan (945 00 32 40/94 603 03 30) eta posta elektronikoan E-mail hau spam roboten kontra babestuta dago. JavaScript aktibatuta izatea behar duzu hau ikusteko. . Baita ONEKIN webgunean ere: Euskadiko elikadura, egur eta lurralde garapenaren balio katearen ekintzailetza eta berrikuntzarako ataria da, eta sektore horiei lotuta martxan dauden laguntza neurri guztiei buruzko informazioa eskaintzen du.

ARDOA Basque Wine Officen misioa da Euskadiko edarien industri sarea osatzen duten markak bultzatzea eta sustatzea, eta sektoreak aurre egin beharreko erronkei erantzuna ematea eta koordinatzea, esaterako, produktuen nazioartekotzeari eta lehiakortasunari, eta mekanismoak ere bilatu nahi dira etorkizunean egon daitezkeen aldaketei aurrea hartzeko.

Udako ikastaroa: Eta orain zer? Nola gauzatu Euskadiko edari sektorearen estrategia krisiaren ondoren

Hurrengo uztailaren 2an, Guardiako Villa Lucian “Eta orain zer? Nola gauzatu Euskadiko edari sektorearen estrategia krisiaren ondoren izeneko ikastaroa egingo da Euskal Herriko Unibertsitateko Uda Ikastaroen XXXIX. edizioaren baitan, Eusko Jaurlaritzako Ekonomiaren Garapen eta Azpiegituren Sailak antolatuta, ARDOA Basque Wine Office-arekin eta HAZIrekin lankidetzan.

Ikastaro honetan, Euskadiko edarien sektoreak COVID-19ren pandemiak eragindako inpaktuaren aurrean bizi duen egoera aztertuko da, eta hainbat ikuspegi eta aukera eskainiko dira euskal upeltegiak, sagardotegiak eta garagardotegiak estatuko eta nazioarteko merkatuetan berriz posizionatu daitezen, eta HORECA kanaleko susperraldia lortu ere.

Data eta ordua: 2020ko uztailaren 2a, 09:00etatik 17:00ak arte

Tokia: Guardiako Villa Lucia (Araba)

Egitaraua

Izena ematea

2020rako Prestakuntza-beharrak helarazteko epea zabalik da

HAZIk hurrengo seihilabeteko (2020ko uztaila-abendua) formakuntza-eskaintza lantzen hasi da. Diseinu fase honetan ezinbestekoa da ikastaroetan parte hartu nahi duten pertsonen formakuntza-beharrak ezagutzea, lehen sektorearentzat eta kate osoarentzat baliagarri izan daitezkeen edukiak eskaini ahal izateko.

Horretarako, formulario bat jarri dugu beharren bat bidali nahi duen ororen eskura. Proposamenak jasotzeko epea ekainaren 25 arte egongo da zabalik.

  • ZER: Lehen sektore eta kate osoko formakuntza-beharrak
  • ZERTARAKO: 2020.ko bigarren seihilabeteko formakuntza-eskaintza lantzeko
  • EPEA: Ekainak 25
  • NOLA: Inprimaki honen bidez.

HAZIk INTEC Fundazioaren ‘Agrifood beats Covid-19′ webinarren laburpenak egiten ditu

INTEC, Berrikuntzarako eta teknologiaren aplikaziorako Europako Fundazioa, webinar batzuk antolatzen ari da “Agrifood beats COVID-19” lelopean. Ekimen hau COVID-19aren ondorioz sortutako errealitatea eta arazoak bistaratzeko jaio da, baita errealitate honi hainbat pertsona eta espezialistak ematen dituzten konponbideak partekatzeko ere.

Topaketak asteazkenetan izaten ari dira, eta haietan parte hartzen ari dira lehen sektoreari eta industriari lotutako adituak.

HAZIk bildu ditu webinar hauetako zatirik esanguratsuenak. Apirilean eta maiatzean izandako webinarrak laburtzen dituzten dokumentuak honako hauek dira:

APIRILEKO LABURPENA

MAIATZEKO LABURPENA

Upategien, sagardotegien eta garagardotegien enoturismo-zerbitzuen irekierarako orientabide jardunaldiak

COVID-19ak eragindako kutsadura murrizteko protokoloen eta neurrien barruan Espainako Kalitate Turistikorako Institutuak (ICTE) gida hau argitaratu du "Bisitak upeltegietara, beste industria-instalazio batzuetara, eta kultura-, historia- eta natura-lekuetara". Aurretik argitaratuta zegoen Jantoki-zerbitzuarena ere.

Eusko Jaurlaritzako Ekonomiaren Garapen eta Azpiegitura Sailak eta HAZIk protokoloaren berri emateko webinar jardunaldi (online presetakuntza) batzuk antolatu ditu, nahitaez aplikatu beharreko zehaztapen horien berri emateko, kontuan izanda upategien, sagardotegien eta garagardotegien enoturismo-zerbitzuen irekiera baldintzatzen duten neurriak direla.

Horretarako, ICTErekin elkarlanean aritu diren bi profesional aditurekin jarri gara harremanetan, eta, beraz, dokumentu horien interpretazioan eta aplikazio praktikoan aholkatzeko irizpidea dute.

Hauek izango dira jardunaldiak:

  • Ekainak 11 osteguna 10:00etan: Higiene eta segurtasun gomendioak upategietan. Manuel Romero, Dinamiza Asesores turismo-kudeaketako aditua.
  • Ekainak 15 astelehena 16:00etan: Ostalaritza Protokoloa. Iñaki Armada, ostalaritzako kudeatzaile aditua. 

Soberakinak biltzeko sistema zerbitzua amaitzen da

COVID-19k sortutako ondorioak direla eta, Eusko Jaurlaritza, hiru Foru-Aldundiak eta HAZI, Euskadiko nekazaritzako elikagaien sektorearekin elkarlanean hainbat neurri jarri ziren abian nekazaritza-produktuen xahutzea saihesteko; horietako bat, hain zuzen ere, soberakinak biltzeko sistema bat martxan jartzea izan zen.

Bilketa- eta merkaturatze-zerbitzu hau produktuak ohiko azoketan edo HO.RE.CA. kanalean saldu ezin izan dituzten ekoizleei zuzenduta egon da, eta soberakinak banaketa handiko operadoreei bideratu zaizkie, hala nola Eroski, Uvesco (BM), Alcampo eta Carrefour.

Zerbitzuaren antolamenduaren konplexutasuna dela eta, Lurrarte Baserriko Uzta enpresaren laguntza izan dugu, arlo horretan logistikan duen esperientziagatik, bai eta merkatuko zenbait operadore ere, hala nola Barrenetxe Koop., Alberro Barazkiak S.L. edo Garaia Koop.

Zerbitzua martxan egon da martxoaren 29tik, eta kontuan hartuta eskainitako zerbitzuak lortu nahi ziren helburuak bete dituela eta zerbitzua ezartzea eragin zuten arrazoiak normaltasunera itzultzen ari direla, gaurtik aurrera bere prestazioak eskaintzeari utziko dio.

Ekaina eta uztailean Ostegun Ekintzaileak webinar ikastaro berriak

HAZI Fundazioaren prestakuntza ekintzak jarraitu ahal izateko martxan jarri duen webinar bidezko zerbitzua harrera ona izaten ari da.

Zehazki, "Ostegun ekintzaileak" proiektuaren barruan, ekintzaileentzako doako prestakuntza jarduera, ekimen honen arrakastak eramaten gaitu hiru saio berri programatzera, ekainaren 4an eta 18an, eta uztailaren 16an, denak ostegunak, ZOOM bidezko formatu berean eta 10-12 orduen artean.

Hiru ikastaro hauek produktuak eta zerbitzuak hobeto eskaintzeko salmenta teknikak, marketin eta merkaturatzeari buruzkoak izango dira; eta saio bakoitzean, berriro izango dugu martxan dagoen enpresa bateko testigantza bat zuzenean (nekazaritzako, zerbitzuetakoa, eta abar). 

Informazio gehiago

Izena eman dezakezu dagoeneko HAZIren prestakuntza webgunean.

HAZIk nekazaritzako elikagaien sektorean covid-19ari aurre egiteko nazioarteko ekimenak biltzen ditu

Pandemiak aurrekaririk gabeko eragina izaten ari da gure gizartean eta ekonomian. Nekazaritzako elikagaien sektoreari dagokionez, aldaketak ekarriko ditu nekazaritzako ekoizpen ereduetan, enpresen negozio ereduetan eta kontsumo ohituretan. Horregatik, ezinbestekoa da eragile sektorialei ahalik eta laguntza handiena ematen jarraitzea, eta gizarte osoaren osasuna eta ongizatea bermatzeko behar diren neurriak hartzea.

HAZIk Nekazaritza, Arrantza eta Elikagai Politikako Sailburuordetzari laguntzen dio Europan eta nazioartean nekazaritzako elikagaien kateko mailak dinamizatzeko sustatzen ari diren neurrien jarraipena egiten, beste lurralde batzuetako esperientziak inspirazio iturri izan daitezen. 

DOKUMENTUA IKUSI

HAZIk koordinatuta Eusko Jaurlaritzak eta ORONA Fundazioak 18 milatik gora otordu solidario banatu dituzte

Arantxa Tapia Ekonomiaren Garapeneko eta Azpiegituretako sailburuak, Beatriz Artolazabal Enpleguko eta Gizarte Politiketako sailburuarekin eta Xabier Mutuberria Oronako Zuzendari Nagusiarekin batera, JAKIORO ekimena aurkeztu du, baserriko produktuetan oinarrituz, eta helburua du nekazaritzako soberakinaren zati bat bildu, prestatutako janari bihurtzeko eraldatu eta, Gurutze Gorriaren bitartez, hura banatzea.

Horretarako, Guztion Artean ekimeneko pertsona boluntarioek parte hartuko dute, COVID-19ak eragin duen ekonomia-egoerak kaltetutako pertsonei zuzenduta. Pandemiak sortutako egoerak distortsioak eragin ditu Euskal Autonomia Erkidegoan sortzen diren nekazaritzako elikagai-produktuak merkaturatzeko orduan, batez ere HORECA kanalaren mende dauden produktuetan. Kanal hori ez dago indarrean, eta arrisku handia dago produktu horiek galtzeko, ez baitago beste irteera komertzial motarik antolatuta.

Bestetik, osasun-krisiak kolektibo kalteberenen gizarte-arloko beharrizanak handitu ditu Eusko Jaurlaritzak bideratutako elkartasuna hazi ahala, Euskadiko Caritas eta Gurutze Gorriaren parte-hartze aktiboa duen Guztion Artean ekimenaren bitartez. Halaber, industria-sektorea hilabete hauetan zailtasunak izaten ari den arren, ORONA Gipuzkoako kooperatibak, igogailuen sektorean liderrak, ahalegin berezia egin du bere Fundazioaren bitartez Euskal Autonomia Erkidegoko familia behartsuenei elkartasunez laguntzeko.

Testuinguru horretan, HAZI eta ORONA fundazioak JAKIORO elkartasun proiektua jarri dute martxan duela egun batzuk, baserriko produktuetan oinarritua. Orain arte, prestatutako 18.564 otordu-unitate banatu dira. Akordioan, eguneko 2.000 anoa prestatzea aurreikusi da eta banaketak astean bi bider egitea. Lehendabizi, baserriko eta elikadura-enpresetako soberakinak bildu eta Oronaren mendeko Diámetro 200eko instalazioetan prestatzen dira, Gipuzkoako Zientzia eta Teknologia Parkean.

Ekimen hau garatzeko HAZI eta ORONAren arteko akordioa hurrengo hilabeteetan egongo da indarrean, baliabideen beharrizanen eta eskuragarritasunaren arabera. Lankidetza-kate luze eta josia Ekimenak koordinazio estu eta zaindua eskatzen du eta, ekimenean, HAZIk hartu du bere gain koordinazio eta logistika; bestalde, Orona egin da produktua eraldatu eta kuzinatzearen arduradun. Hauexek osatzen dute menua: barazki-krema, Arabako txitxirio erregosiak eta kiwi eta sagarrezko bizkotxoa. 2.000 anoa inguru banatzen dira egunero.

Eusko Label edo Euskal Baserri osagaiak kooperatiba eta enpresa hauexen partaidetzari esker jartzen dira: Barrenetxe Koop., Garaia Koop., Garlan Koop., Udapa- Paturpat Koop., Alberro SL, Karabeleko eta Lurrarte SL. Gizarte-arloko eginkizuna betetzeaz gain, ekimena koordinatzen duen HAZIk soberakinak ekoizten dituzten nekazaritza-ustiapenen beharrizanei erantzuten die; gainera, elikadura alferrik ez galtzen laguntzen du. Hain zuzen ere, ekimena COVID-19ren ondorioz ezarritako alarma egoeragatik HAZIk elikagaien xahutzea saihesteko neurrien testuinguruan kokatzen da.

Maiatzaren 12an doako webinarra: Covid 19: landa-turismoko ostatuak berriz irekitzeko jarraitu beharreko protokoloa

COVID 19 osasun-krisiaren ondorioz, Landa-turismoko establezimenduek ateak itxi behar izan dituzte martxoaren 13tik. Itxiera luze hori kolpe gogorra izan da zalantzarik gabe, bezero asko bildu diren urteko garai batean jarduera eragotzi baitu eta. Deseskalada-aldian ezarritako faseak jarraituz gero, Landa-turismoko establezimenduen -jarduera datorren astelehenetik, maiatzaren 11tik, aurrera berriro hasi ahal izatea espero da.

Berriz irekitzeko prozesu horretan, garrantzi berezia hartzen du nekazal turismo-establezimenduen osasun-segurtasuna bermatzeko ezartzen den segurtasun-protokoloak. Hori ezagutzeak erabakiak hartzen, instalazioak egokitzen, ekipamenduz hornitzen, prozesuak doitzen eta langileak prestatzen lagunduko digu.

Informazio hori helarazteko, HAZIk, NEKATUR-Euskadiko Landa-ostatuko Elkartearekin lankidetzan, doako on line prestakuntza-saio bat proposatu du maiatzaren 12rako (goizeko 10k eta 12ak birtatean), informazio hori gure herrialdeko landa-ostatuaz arduratzen diren eragile guztiei emateko.

Irakaslea Iñaki de la Armada izango da, ostalaritzako profesionala eta HAZIko laguntzailea, Espainiako Elkartearen eta Hotelen Zuzendarien (AEDH) lantaldeko kidea, zeina lankidetzan aritzen baita Espainiako Turismo Kalitaterako Institutuarekin (ICTE)estatuko turismo-sektore osoari zuzendutako protokoloak idazten. Aditu hori, beraz, erabat eguneratuta dago protokolo horiek izango dituzten edukiei buruz. Klaseak online izango dira, Zoom aplikazioaren bidez. Zure ordenagailutik edo smart telefonotik jarraitu ahal izango dituzu.

 

Programa

  • Betekizun orokorrak. Nola landu protokoloa ostatu-unitate bakoitzaren ezaugarrietara egokitzeko. + Neurrien "aurreikus daitekeen eskalarik gabeko" prozesoaren agertokiak.
  • Baliabide materialak eta plangintza. Planteatzea zer neurri hartu behar diren kontuan ,zer erabili behar den eta nola behar bezala antolatzeko. Hainbat harremanetarako kontuan hartu beharreko babes pertsonala (bezeroaren harrera, gelaren garbiketa+eremu komunak, zaharberritzea)
  • Bezeroaren hartzean arreta jartzea, saihestu beharreko kontaktu-puntuak eta kontuan hartu beharreko alternatibak ezagutzea
  • Saihestu beharreko dekorazioa edo hartu beharreko neurriak gelan, bainugeletan eta eremu komunetan. + Ehun-garbiketa + Mantentzea
  • Jatetxe-zerbitzua, zerbitzugunea eta sukaldea (salgaiak jasotzea, kutsadura gurutzatua, etab.)
  • Digitalizazioan laguntzea, batez besteko horiek hobeto kontrolatzeko eta laguntzeko, eta, aldi berean, bezeroarekiko komunikazioa hobetzea, neurri horiekin guztiekin bilatzen den balio eta konfiantza hori handitzeko.

IZEN EMATEAK

Harremanetarako: 

mail: E-mail hau spam roboten kontra babestuta dago. JavaScript aktibatuta izatea behar duzu hau ikusteko.

Tel: 627 431 904 (133 ikastaroa)

Webinar prestakuntza:Merkatuko joerak txikizkako kanal Retailean

Hazik, Covid-19ak sortutako egoerak aztertzeko eta horiei irtenbideak emateko asmoz, on-line saioak egingo ditu Euskadiko elikaduraren eta gastronomiaren katea osatzen duzuen eragileen interesekoak izan daitezkeen hainbat gairi buruz. Saio horien bidez, enpresa-kudeaketan laguntzeko tresnak eta jarraibideak eskaini nahi dira, eta, horrez gain, gakoak eman nahi dira eskaintzan eta eskarian zerikusia duten kontuetan, hala nola, posizionamenduan, kanal berrietan, merkaturatzean, merkatu-joeretan edo kontsumoan. Azkenik, landa-garapenaren eremuan joerak, egokitzapena eta aukerak ere aztertuko dira.

Bihar, maiatzaren 7an, 16:00etan, "Merkatuko joerak txikizkako Retail kanalean" saioarekin hasiko gara. Asmoa ostegunero ordu berean on-line saioak egitea da.

Prestakuntza-nozioez gain, foro ireki birtual batean parte hartu ahal izango da, eta saioaren gaian adituak diren pertsonen orientabideak eta aholkuak jaso ahal izango dira. Oraingoan, José Luis García del Pueyo, San Telmo Business School-eko irakasle eta aholkularia izango dugu. Ostegun bertan, saioa zuzenean jarraitzeko aukera izango duzue, bai mugikor, Tablet, ordena- doretik…, eta horrez gain, ondoren grabazioa ikusteko aukera izango da ere.

Izen-ematea

scribdicon

HAZI. Egoitza Nagusia. Granja modeloa z/g 01192 Arkauti, Araba. IFK. G48986137  l T 945 00 32 40 | hazi@hazi.eus | Pribatutasun Politika | Ohar Legala | Urrutiko Kontrola